में बांझपन ल कइसे रोक सकत हवं?
From Audiopedia
अगर कोनो जुगलजोड़ी सरलग यौन संबध बनाए बर जारी रखथें, एक बछर के भीतर म महिला गर्भवती हो जथे।
कारखाना अउ खेतखार म बउरइया खतरनाक कीटनासक अउ जहरीला रसायन के कारन खराब होए हवा, जेवन अउ पानी ले बचना चाही: इहां काम करे के बेरा अइसन रसायन आदमी के सुकरानु ल नकसान पहुंचा सकत हें अउ जब महिला हा ओखर कपड़ा-लत्ता ल धोथे, त ये हानिकारक रसायन ओखर सरीर म पहुंच सकत हे।
बीड़ी-सिगरेट, दारू अउ कॉफी पीये ले या माखुर खाए ले बचना चाही:
जेन माईलोगन बीड़ी-सिगरेट पीथें या माखुर खाथें, या फेर अब्बड़ जादा दारू या कॉफी पीथें, ओमन ल गर्भवती होए म अब्बड़ बेरा लग सकत हे या फेर ओखर गर्भपात तको हो सकत हे। जेन आदमीमन बीड़ी-सिगरेट, दारू या जादा अकन कॉफी पीथें, उंखर भीतर सुकरानु कम बनथें। अउ सुकरानु कमजोर तको होथे।
अब्बड़ गरमी ले बचना चाही:
आदमीजात के सुकरानु ल जुर रहिना जरूरी हे। जब अंडकोस अब्बड़ जादा गरम हो जथे त सुकरानु बने बर बंद हो सकत हे। अइसन तब होथे, जब कोनो पुरूस हा भारी तंग कपड़ा पहिनथे, जेखर ले अंडकोस म दबाव पड़थे। अइसने अगर कोनो पुरूस गरम पानी म नहाथे तभो अंडकोस गरम होथे। अगर पुरूस, बायलर, भट्टी या गाड़ी-मोटर के गरम इंजन मेर काम करथे, तभो अंडकोस गरम हो जथे। एक पइत जब अंडकोस ठंडा हो जथे त सुकरानु बने बर सुरू हो जथे।
कोनो भी किसम के दवई ल झन बउरव:
कई किसम के दवई अइसन होथे जेन परजनन छमता ल नकसान पहुंचा सकत हें। तुंहर अउ तुंहर साथी बर सबले बढ़िया इही रहि के कोनो भी किसम के दवई ल झन बउरव। अगर कोनो किसम के बीमारी के कारन तुमन दवई खात हव त, डाक्टर ले एखर बारे म सलाह लेना चाही। ओला ए बात बताना चाही कि तुमन गर्भवती होए के कोसिस म हव।
अपन जनन छम के दउरान यौन संबंध बनाए के परयास करव:
वइसे तो आदमीजात मन रोज लाखन सुकरानु बनाथें, लेकिन स्वस्थ महिला महिना म सिरिफ एकेठन अंडा बना पाथे। जादातर माईलोगन के जनन छम बखत, मासिक धरम के पहिली दिन के लगभग 10 दिन बाद सुरू होथे अउ आगु के छै दिन तक बने रहिथे। महिना के दउरान, इही अइसन बेरा होथे जब कोनो महिला गर्भवती हो सकत हे। एला जनन छम बखत कहिथें।
जब तुमन यौन संबंध बनाथव:
सुकरानु ल तुंहर गर्भासय के दुवारी म लाए के सबले बढ़िया स्थिती हे:
यौन संबंध बनाए के दउरान तेल या कोनो किरीम ल झन बउरव:
अइसन चीज सुकरानु ल मार सकत हे, या फेर ओला अंडा तक पहुंचे म रोक सकत हे।
अपन योनि के भीतरी ल झन धोवव:
यौन संबंध बनाए के पहिली या बाद म अपन योनि के भीतरी ल बहुत जादा धोवई-पोंछई नइ करना चाही, एखर ले योनि के गिल्लापन हा बदल सकत हे, जेखर ले सुकरानु ल जीयत रहिना कठिन हो जथे।
कोनो बीमारी हे त ओखर इलाज करवाव:
तुंहर अउ तुंहर साथी के डाक्टरी जांच होना चाही। एसटीआई अउ कुछु दूसर बीमारी के जांच अउ इलाज करना चाही। इलाज के दउरान सप्फे दवई ल खाना चाही।
बने असन अउ स्वस्थ जेवन खाना चाही:
अगर तुमन ल नियमित रूप ले मासिक धरम नइ आवए अउ तुमन अब्बड़ पातर-दुबर या फेर अब्बड़ मोट हव, त वजन बढ़ाए या फेर घटाए के परयास करव।
बीड़ी-सिगरेट झन पीयव अउ माखुर झन खाव, नसीला दवई या दारू पीए ले घलोक बचना चाही।
कॉफी, करिया चाय अउ कोलड्रिंक जइसन पीयइया जिनिस म कैफीन होथे, इंखर ले बचव।
भरपूर आराम करव अउ नियमित बयाम करव।
अगर एक बछर के भीतर भी तुमन गर्भवती नइ हो पात हव त कोनो स्वास्थ्य कार्यकर्ता ले मिले के परयास करव:
कईठन जांच अइसन होथे जेमा जादा पइसा-कोड़ी खरचा नइ होवए, अउ एखर ले पता चल जथे के तुंहर म का समसिया हे। डाक्टर, तुंहर साथी के सुकरानु के जांच करके बता सकत हे के वो हा स्वस्थ हे के नइ। साथे-साथ तुंहर योनि, गर्भासय अउ नली म कोनो किसम के संकरमन के घलो जांच हो सकत हे। डाक्टर, तुमन ल अपन तापमान ल माप के अपन अंडासय ले अंडा बने के बारे म जाने बर सिखा सकत हे। धियान रखव, ये सबो जांच ले तुंहर समसिया के बारे पता चलथे, ये कोनो समाधान नइ होवए। कभु-कभु अब्बड़ महंगा दवई अउ अपरेसन घलोक बांझपन के इलाज नइ कर सकएं।