मानसिक स्वास्थ्य समसिया म सहायता लेना काबर जरुरी हे?
From Audiopedia
संगे-संग कोनो भी परकार के मानसिक समसिया अपन सरीर के जतन ल कठिन तको बना देथे। सुरता रखव के कोढ़ के संकरमन के बाद अपन जतन करना अब्बड़ जरुरी होथे, नइ तो आगु चलके आपमन के सरीर ल भारी नुकसान हो सकत हे। अगर आपमन अपन सरीर के बने असन जतन नइ करहु त आपमन विकलांग घलोक हो सकत हव।
कइठन जातसमाज म विकलांगता के बार म अभु भी कइठन गलत धारना मउजूद हे।
आपमन के विकलांगता, आपमन ल समाजिक रुप ले तिरिस्कृत महसूस करा सकत हे। आपमन अलग-बिलग, सरमिंदा अउ उदास महसूस कर सकत हव। एखऱ ले आपमन के मानसिक स्वास्थ्य अउ जादा खराब हो सकत हे।
अइसन हालत ले बचे बर सहायता मांगना अब्बड़ जरुरी होथे!
बने असन सहायता ले कइझन मन अपन मानसिक स्वास्थ्य समसिया के उबर चुके हें।
आपमन अपन मनोवैज्ञानिक ताकत ल फेर ले हासिल कर सकत हव अउ एखऱ ले आपमन ल अपन बीमारी अउ दूसर मामला ले निपटे बर जादा ताकत मिलही।
आपमन ल कउन से परकार के मनोवैज्ञानिक सहायता के जरुवत हे, एखर बारे बर जाने के लिए आपमन ले कोनो मनोवैज्ञानिक डाक्टर संग सलाह लेना पड़ही। अगर आपमन ल एखर बारे म नइ मालूम हे त, किरपा करके कोनो स्वास्थ्य कारकरता संग बात करव अउ मनोवैज्ञानिक सहायता हासिल करे के सबो विकल्प के बारे म पूछव।
आपमन कोनो स्वयं सहायता समूह म सामिल हो सकत हव, जिहां आपमन अपन भावना के बारे म दूसर मनखे मन संग गोठिया सकत हव। इहां आपमन अपन अधिकार अउ ओखर उपयोग के बारे म जान सकत हव। आपमन अपन जिनगी फइसल ले बर सीख सकत हव अउ जिनगी म नियंत्रन बना सकत हव। आपमन ल अपन आरथिक मामला ले भी निपटे बर सहायता मिल सकत हे। वइसे, व्यक्तिगत सहायता के घलोक विकल्प होथे।