मानसिक समसिया म डाक्टर संग सलाह लेना काबर जरुरी हे?
From Audiopedia
एहु बात अब्बड़ जरुरी हे के सही बेरा म तुमन ल सहायता मिलए। हो सकत हे के अकेल्ला अइसन स्थिति म जतन करे ल मुसकिल होवए। लेकिन अगर इलाज नइ करे जही, त तुमन ल सामाजिक जिनगी म भाग ले म, इस्कूल या काम म मन लगाए म, बाधा हो सकत हे। कभु-कभु तुमन खुदे ल नकसान पहुंचाए के बारे म घलोक सोच सकत हव।
कईठन मानिसक समसिया हर, तुंहर सरीर के जतन करे ल अउ कठिन बना देथें। अगर तुंहर भीतर कोनो कमजोरी हे त नियमित रुप ले खुद के जतन करइ अब्बड़ जरुरी होथे, एखर ले तुंहर कमजोरी म सुधार हो सकत हे। तुमन अपन दुरबलता के संग बने असन जिनगी जिए के तरीका ढूंढ सकत हव। तुमन ल तुंहर दिव्यांगता ल ताकत बनाए बर पुरूतसाहित करे जा सकत हे। नियमित अउ परभावी जतन ले तुमन कईठन परसानी ल रोक सकत हव। अगर तुमन अपन सरीर के जतन नइ करहू त, आगु तुंहर दुरबलता बढ़ सकत हे।
ए सबो समसिया ले बचना हे, त सहायता मांगे के अब्बड़ जरुवत हे! बने असन सहयोग मिले ले कईझन अपन मानसिक समसिया ले उबर घलोक जथें।
तुमन अपन मनोबिगियान संबंधी ताकत ल दुबारा हासिल कर सकत हव अउ एखर ले तुमन अपन बीमारी अउ दूसर मामला संग बने असन निपट सकत हव।
तुमन ल कईसन मनो-सामाजिक संबंधी सहायता के जरुवत हे, एला जाने बर तुमन ल कोनो मनोबिगियान संबंधी डाक्टर संग मिले बर पड़ही। अगर तुमन कोनो अइसन डाक्टर ल नइ जानव, त अपन स्वास्थ्य कार्यकर्ता संग एखर बारे म जानकारी लेवव अउ सहायता हासिल करे के तरीका के बारे म पूछव।
एखर अलावा कईठन दूसर विकल्प घलोक हो सकत हे, जइसे कोनो स्वयं सहायता समूह म शामिल होना। इहां तुमन अपन अधिकार के बारे म, अउ ओखर उपयोग के बारे म जानकारी हासिल कर सकत हव। इहां तुमन अपन बारे म फइसला ले बर सीख सकत हव अउ अपन जिनगी ल अपन मुताबिक चला सकत हव। संगे-संग तुमन ल अपन आर्थिक समसिया म घलोक सहयोग मिल सकत हे। लेकिन व्यक्तिगत सहायता के घलोक विकल्प हो सकत हे।