माईलोगन म बांझपन के का कारन हो सकत हे?
From Audiopedia
1. ओखर नली म या फेर गर्भासय भीतरी कोनो किसम के घाव हो गे हे। असल म अगर नली म घाव हो जथे त अंडा आगु नइ बढ़ पाए, या फेर सुकरानु अंडा तक ले नइ पहुंच पाए। गर्भ म घाव के कारन निसेचित अंडा, गर्भ के दीवार म नइ ठहर पाए। असल म कभु-कुभ महिला ल अइसन किसम के घाव के पता नइ चल पाए, काबर के ओला कोनो बीमारी महसूस नइ होवए। लेकिन बाद म पता चलथे के ओ हा बांझ हे।
अइसन घाव मन ये कारन ले हो सकत हे:
2. अगर कोनो महिला अंडा पइदा नइ कर पाए। अइसन एखर सेती होथे, काबर के ओखर सरीर सही बखत म जरूरी हारमोन के परियाप्त उत्पादन नइ कर पाए। अगर ओखऱ मासिक धरम म 25 दिन ले कम या फेर 35 दिन ले जादा अंतर हे, त ओला ओवूलेसन के समसिया हो सकत हे। अगर कोनो महिला झटकन दुबरा जथे या फेर मोटा जथे, तभो अंडा नइ बनए।
3. अगर महिला के गर्भासय हा बाढ़ गे हे। एला फाइब्राइड कहिथें। ए हा गर्भधारन ल रोक सकत हे या फेर गर्भधारन ल कठिन बना सकत हे।
4. एचआईवी, सक्कर बीमारी, टीबी अउ मलेरिया के बीमारी मन घलोक कोनो महिला के बांझपन के कारन बन सकत हे।
अकसर परिवार नियोजन के कईठन तरीका ल बांझपन के कारन बताए जथे। लेकिन नसबंदी के अलावा दूसर तरीका मन बांझपन के कारन नइ बनय। लेकिन आईयूडी ल अगर सही तरीका ले नइ लगाए गे हे त ए हा गर्भासय या फेर नली म संकरमन के कारन बन सकत हे।