माईलोगन के खिलाफ कइसन परकार के हिंसा करेजथे?
From Audiopedia
भाउनात्मक दुरबेवहार: पुरूस हर महिला के अपमान करथे, ओला नीचा देखाथे या ओला ए सोंचे बर मजबूर कर देथे के ओ हर पागल होवत हे।
धन उपर नियंतरन: कईझन पुरूस मन महिला ल नउकरी करे ले अउ पइसा कमाए ले रोकथें। ओमन चाहथें के माईलोगन अपन जरूवत के मुताबिक उंखर ले पइसा मांगएं। या फेर कईझन पुरूस हर माईलोगन ल काम करे मजबूर करथें अउ उंखर कमई ल घलोक धर लेथें।
यौन सोसन: कईझन पुरूसमन माईलोगन के मर्जी के खिलाफ उंखर संग यौन संबंध बनाथें, या फेर उंखर यौन अंग म सारीरिक हमला करथें। एमन माईलोगन ल कोनो जिनिसमानथें।
ओला दोसी ठहिराना: कई पइत कईझन पुरूस अपन दुरबेवहार ल नइ मानेंअउ महिला के गलती मानथें।
लईकामन के उपयोग: कई पइत कईझन पुरूस मन माईलोगन ल दोसी ठहिराए बर, लईकामन के घलोक उपयोग करथें।
काबर के ओ हर एकेझन 'पुरूस' हे: कईझन पुरूस मन मानथे के ओमन कोनो भी महिला संग नउकर सरिख बेवहार कर सकत हें, काबर ओमन पुरूस हें। ओमन सबो फइसला ल खुदे लेथें, अउ मानथें के कोनो ल महिला होए के नाते आपत्ति करे के अधिकार नइ हे।
धमकी देना: कईझन पुरूस हर अपन आवाज या तौरतरीका के जरिया ले महिला ल धमकी देथे, जेखर ले महिला ल कोनो नकसान के डर हो जाए।
अलगाव: महिला के हर काम ल पुरूस हर नियंतरित करथे, जइसे ओ हर काला देखथे, काखर संग गोठियथे अउ कहां जथे।
एक परकार के दुरबेवहार हर दूसर रूप म बदल जथे। सबो दुरबेवहार के पाछु, ताकत अउ नियंतरन पाए के मनसा रहिथे।
कईठन मामला मन म, मौखिक दुरबेवहार हर सारीसिक सोसन के कारन बन जथे। धीर लगाकेपुरूस हर महिला ल अचानक लधकियाए या टक्कर मारे बर सुरू कर देथे या महिला के आमतौर म बइठे जगा म बइठना शुरू कर सकत हावय, जेखर ले ओला हटे ल पड़े। अगर अइसन बेवहार ले ओला फायदा पहुंचे बर लगथे, त ओखर बेवहार हर अउ हिंसक हो बर लगथे। हो सकत हे दूसर परकार के दुरबेवहार म मारपीट भलकुन सामिल झन हो, लेकिन जेन माईलोगन संग मारपीट होथे, उंखर संग कई दूसर परकार के दुरबेवहार घलोक होथे।