मनोवैज्ञानिक सहायता पाए बर मोर तीर का-का विकल्प हे?
From Audiopedia
आपमन ल कउन से परकार के मनोवैज्ञानिक सहायता के जरुवत हे, एखर बारे बर जाने के लिए आपमन ले कोनो मनोवैज्ञानिक डाक्टर संग सलाह लेना पड़ही। अगर आपमन ल एखर बारे म नइ मालूम हे त, किरपा करके कोनो स्वास्थ्य कारकरता संग बात करव अउ अपन समाज म मनोवैज्ञानिक सहायता हासिल करे के सबो विकल्प के बारे म पूछव।
स्वयं सहायता समूह ले जुड़े के घलोक विकल्प हो सकत हे।
कइझन मन बर, ए हर बहुत बढ़िया विकल्प साबित हो हे, काबर के ओमन इहां अपन भावना, विचार अउ अनुभव के बारे म अपन जइसन दूसर मरीज संग बात कर सकत हें। इहां आपमन ल बने सलाह मिल सकत हे। अउ आपमन दूसर मन ल घलोक सलाह दे सकत हव। ए तरीका ले आपमन एक-दूसर ल ताकतवर बना सकत हव।
संगे-संग, आपमन अपन देश म अपन अधिकार के बारे म घलोक जान सकत हव। आपमन इहां अपन बारे म फइसला ले बर अउ अपन जिनगी म नियंत्रन रखे बर सीख सकत हव। आपमन अपन आरथिक मामला ले निपटे बर सहायता मांग सकत हव।
मानसिक अउ कानूनी मामला के अलावा, आपमन अपन जतन के बारे म प्रसिक्षन या फेर पुनरवास कारकरम के बारे म घलोक सहायता मांग सकत हव।
अगर आपमन ल लगथे के आपके परिवार ल भी सहायता के जरुवत हे त पारिवारिक मनोवैज्ञानिक सहायता भी मांग सकत हव। अगर आपमन के परिवार के कोनो सदस आपमन के जतन करत हे, त ओला भी प्रसिक्षन दिए जा सकत हे। इहां ओमन आपमन के इलाज अउ दूसर परसासनिक काज म आपके सहायता करे के तरीका के बारे म जान सकत हें।
एकठन दूसर विकल्प व्यक्तिगत सलाह के जरिया इलाज पाना भी हो सकत हे। आपमन कोनो मानसिक स्वास्थ्य कारकरता या फेर डाक्टर ले अपन भावना, विचार अउ अनुभव के बारे म बात कर सकत हव। ओ हर आपमन के सहायता करही। ओ हर कइ परकार के परिस्थिती संग निपटे बर अउ आपमन के मानसिक भलाई बर आपके सहायता कर सकत हे।
सहायता हासिल करे के दूसर विकल्प म, कइ परकार के संगठन, सरकार सेवा या फेर आनलाइन या सोसल मीडिया के सहायता घलोक हो सकत हे। अपन जातसमाज म मउजूद विकल्प के बारे म पता लगावव।
अतिरिक्त सहायता के रुप म दवइगोली ले के घलोक विकल्प हो सकत हे। अगर आपमन ल एखर जरुवत लगत हे त किरपा करके कोनो स्वास्थ्य कारकरता संग बात करव।
अगर आपमन ले कोनो विसेस परकार के गंभीर मानसिक समसिया हे त किरपा करके सिद्धा कोनो स्वास्थ्य कारकरता संग मिलव अउ अपन आप ल कोनो विसेसग डाक्टर तीर भेज बर कहव।