मनोवैग्यानिक सहयोग पाए के खातिर मोर पास का-का विकल्प हे?
From Audiopedia
स्वयं-सहायता समूह म सामिल होए के भी एकठन विकल्प हो सकत हे।
कइझन बर एहा बने विकल्प साबित होए हे, काबर के इहां ओमन अपन भाउना, विचार अउ अनुभव ल उंखर संग साझा कर सकथें, जौन मन अइसने स्थिती ले गुजरत हें। तुमन सलाह ले सकत हव। साथे-साथ तुमन अपन अनुभव दूसर ल बता सकत हव अउ दूसर ले तको सलाह ले सकत हव। एखर ले एक दूसर ल सशक्त बनाय जा सकत हे। संगेसंग अपन देस म अपन व्यक्तिगत अधिकार के बारे म घलो जानकारी ले सकत हव। तुमन अपन बारे म फइसला लेना सीख सकत हव अउ अपन जिनगी ल समहाले बर सीख सकत हव। तुमन अपन पइसा कौड़ी के मामला ल भी समहाले बर सहायता मांग सकत हव। मानसिक अउ वकालत संबंधी मामला के अलावा, तुमन खुद के जतन जइसे परसिछन या पुनरवास कार्यक्रम म नामांकन बर भी सहायता ले सकत हव।
अगर तुमन ल लगथे के तुंहर परिवार ल तको सहायता के जरुवत हे त उहू मन ल मनोवैग्यानिक सहायता दिए जा सकत हे। अगर परिवार के कोनो सदस तुंहर खुद के जतन म सहायता करत हे त ओहू ल परसिछन दे जा सकथे। ओमन रोकथाम के उपाय के बारे म अउ परसासनिक काम म तुंहर सहायता करे के उपाय के बारे म जान सकत हें। अउ दूसर विकल्प म व्यक्तिगत सलाह थेरेपी सामिल हो सकत हे। जिहां, तुमन मानसिक स्वास्थ्य कारकरता संग अपन भाउना, बिचार अउ अनुभव के बारे म गोठबात कर सकत हव। ओहा तुंहर मदद करही, ताकि तुमन अपन भाउना ल मान सकव अउ समज सकव। ओहा अलग-अलग परिस्थिती ले निपटे के तरीका बताही अउ तुंहर मानसिक सुधार म सहायता करही। सहायोग पाए के दूसर विकल्प म कइ किसम के संगठन, सरकारी सेवा या फेर ऑनलाइन या सोशल मीडिया सहायता सामिल हो सकत हे। अपन जातसमाज म भी मउजूद विकल्प के बारे म पता लगाना चाही। जिहां अतरिक्त सहायता के रुप म दवइबूटी के विकल्प तको सामिल हो सकथे। अगर तुमन ल एखर जरुवत पड़त हे त अपन स्वास्थ्य कारकरता ले गोठबात करव। अगर तुमन ल कोनो विसेस या फेर गंभीर मानसिक समस्या या अब्बड़ जरुरी हालत हे, त सीधा स्वास्थ्य कारकरता ले गोठबात करव अउ कोनो विसेसग डाक्टर करा भेजे ल कहव।