भारी महवारी या लंबा बखत ले चलइया महवारी बर मोला का करना चाही? - Audiopedia
- अगर कोनो पैड या साफ फरिया, एक घंटा ले घलो कमती बेरा म पूरा भीज जथे, त एला भारी महवारी कहिथे।
- अगर कोनो महवारी 8 दिन ले जादा बखत ले चलथे, त एला लंबा बेरा वाले महवारी कहे जथे।
- खून के थक्का (खून म नरम, गहिरा लाल रंग के गठान) तको भारी महवारी के लकछन होथे।
- कई हफ्ता, महीना या बछरे-बछर तक ले चलईया भारी महवारी ले एनीमिया के बीमारी हो सकत हे।
संभावित कारन:
- हारमोन के असंतुलन, एखर ले अंडासय हर अंडा ल छोड़ नइ सकय। 20 बछर ले कम के नोनीमन अउ 40 बछर ले जादा के माईलोगन म अइसन जादा होथे।
- एक अंतर्गर्भासयी उपकरण (आईयूडी), महवारी ल भारी बना सकत हे।
- गर्भपात, भले तुमन नइ जानत रहव के तुमन गर्भवती रेहेव।
- अगर तुमन ल महवारी के संग पेट पीरा होवत हे, त तुंहर गर्भधारन गरभासय के बजाय नली म हो सकत हे। अइसन म तुरते हस्पताल जाना चाही।
- तुमन ल थायराइड के समसिया हो सकत हे।
- तुंहर गरभासय म बढ़ोतरी (फाइब्राइड या पालीप्स) या केंसर हो सकत हे।
जरूरी बात: अगर तुमन ल भारी रक्तस्राव, नीचे बताए गे समसिया होत हे, त पेल्विक परीछन बर कोनो परसिछित स्वास्थ्य कार्यकर्ता संग मिलव:
- तुंहर योनि ले खून निकलथे।
- 3 महीना ले भारी और लंबा महवारी होत हे।
- तुमन ल लगथे के तुमन गर्भवती हो गे हव।
- तुमन ल रक्तस्राव के संग अब्बड़ पीरा होवत हे।
Sources