बुरूली अल्सर या घाव ले मानसिक स्वास्थ्य के स्थिति कइसे हो सकत हे?
From Audiopedia
एमा बीमारी के डर के अलावा, अपन सरीर म होए वाले बिकरिति सामिल हे। ए बीमारी के कारन सरीर म कइठन बदलाव आ सकत हे। भले ही ए बात सच नइ हे, लेकिन मरीज अइसन सोच सकत हे के ओखर जीवन के कोनो मोल नइ हे। गलत धारना अउ जातसमाज म भेदभाव के कारन, कइ बखत मरीज ल समाजिक तिरिसकार के सामना करे ल पड़थे। एखर ले, जेन मरीज पहिली ले परसान हे तेन अउ परेसान हो जाथे। भले ही ए बात सच नइ हे, लेकिन मरीज ह सोचे बर धर लेथे कि ओखर जीवन के कोनो उदेस नइ रही गेहे। साथे-साथ मरीज ह अपन सिकछा, काम-बूता या फेर भविस के बारे म अब्बड़ डरे ला लगथे।
नोनीमन या फेर माईलोगिनमन ल जादा डर लग सकत हे। माईलोगिनमन ल सिकछा के ओतका मउका नइ मिलए, जतका के आदमीमन ल मिलथे। तुमन अपन आप ल आसरित महसूस कर सकत हव अउ तुमन ल ए बात के भी डर हो सकत हे के मोर समाजिक मोल कम हो जाही अउ मोला परिवार ले अलग-बिलग कर दे जाही या फेर मोला नौकरीपानी नइ मिलही अउ मैं गरीब हो जाहुं।
एखर ले आप ल अउसाद, भारी संसों-फिकर या फेर आत्महत्या करे के खियाल आना जइसन मानसिक परसानी हो सकत हे। अगर तुमन एखर ले परभावित हव, त डरे के जरुरत नइ हे। एखर मतलब ए नइ हे तुमन पगला हे हो। तुमन, अकेल्ला अइसन नइ हव, जेन अइसन हालत ले गुजरत हावे। दुनिया में लाखों अइसन मनखे हें जेन मन अइसन तकलीफ ला झेलत हे। तुमन सहायता पाए के कइठन रस्ता ढूंढ सकत हव। स्वयं-सहायता समूह म, तुमन अपन भाउना के बारे म गोठबात कर सकत हव अउ अपन असन दूसर मरीज ले सहायता पा सकत हव। जिहां तुमन अपन अधिकार के बार म घलोक जान सकत हव, अउ एखर उपयोग के बारे म तको जानकारी ले सकत हव। तुमन अपन फइसला खुदे लेना सीख सकत हव अउ अपन जिनगी ल समहाल सकत हव। लेकिन इंहा व्यक्तिगत सहायता असन दूसर विकल्प घलोक हो सकत हे। कोनो भी हालत हो, अपन सारीरिक अउ मानसिक स्थिती के धियान रखना अब्बड़ जरुरी हे, एखर सेती मनोसामाजिक सहायता लेना चाही। आगु दे गे जानकारी म, तुमन कइसन-कइसन सहायता पा सकत हव, एखर बारे म विस्तार ले बताए गे हे। साथे-साथ तुमन ल स्वास्थ्य कारकरता ले गोठबात करना चाही अउ मनोसामाजिक सहायता पर मउजूद विकल्प के बारे म पूछना चाही।