बांझपन काला कहिथें?

अगर कोनो जुगलजोड़ी, परिवार नियोजन के कोनो बिधि के परयोग नइ करे, अउ सरलग एक बछर ले महीना म कई घांव ले यौन संबंध बनाए के बाद तको गर्भ नइ ठहिरत हे, त एला बांझपन केहे जथे। अइसने, अगर कोनो जुगलजोड़ी के सरलग तीन या एखर जादा पइत गर्भपात होगे हे, त इहां घलोक परजनन संबंधी समसिया हो सकत हे।

यहू बात ल जानव के, एक लईका होए के बाद तको कोनो महिला या पुरूस बांझ हो सकत हे। आखिरी लईका के जनम के कई बछर के बाद घलो कई किसम के समसिया पइदा हो सकता हे। कभु-कभु अकेल्ला महिला या फेर पुरूस बांझ नइ होवए, बल्कि दुनो झन म एक साथ कोनो समसिया हो सकत हे। भले दुनो झन स्वस्थ दिखएं। डाक्टर अउ जांच ले ही असली समसिया के कारन पता चल सकत हे अउ कभु पता घलो नइ चले।

Sources

• Audiopedia ID: hne_11_1