बलात्कार अउ यौन उत्पीड़न काला कहिथें?
From Audiopedia
बलात्कार ल यौन हमला घलोक केहे जथे, काबर के ए हर एक परकार के हिंसा होथे, जेमा यौन संबंध ल हथियार के रूप म इस्तेमाल करे जथे। अइसन यौन हमला म बलात्कार के संगे-संग दूसर परकार के अवांछित यौन रूचि घलोक सामिल हो सकत हे।
कईझन सोंचथें के जबरन यौन संबंध ल तभे बलात्कार माने जही, जब कोनो पुरूस हर कोनो महिला ल मारही-पीटही या ओला बेहोस कर दिही। अइसन मन सोंचथे के एमा महिला ल अपन जान ल बचाए बर भागना चाही अउ बलात्कार ले बने मारे जाए के जोखिम ल उठाना चाही। भले कोनो महिला ह वापिस झगरा नइ करय फेर घलो ओ ह बलात्कार हरय। चाहे ओ ह कुछु भी करे के फइसला ले, अगर ये ओमन ल पसंद नइ हे त वो बलात्कार ही माने जही, अउ एमा कभू ओकर गलती नइ रहय। बलात्कार एक परकार के यौन हिंसा होथे, एमा माईलोगन के कोनो दोस नइ होवए।