बढ़िया पोसन का हरे?
From Audiopedia
दुनिया के जादातर हिस्सा म, जादातर मनखेमन सस्ताहा किसम के जेवन करथें।
अलग-अलग इलाका के हिसाब ले, ए हा चाउर, मक्का, बाजरा, गंहू, कसावा, आलू अउ केरा हो सकत हे।
मुख्य जेवन के रूप म, ए सबो जिनिस हा सरीर के जादातर रोजदिन के जरूवत ल पूरा करथें।
लेकिन, कोनो मनखे ल स्वस्थ रखे बर सिरिफ मुख्य जेवन काफी नइ होवए।
पुरोटीन (जेखर ले सरीर निरमान म मदद मिलथे), बिटामिन अउ खनिज (जेन सरीर के रकछा अउ मरम्मत करे म मदद करथें) अउ बसा अउ सक्कर (जेन उरजा देथें), एंखर बर हमला दूसर किसम के सहायक खाना के घलोक जरूवत होथे।
स्वास्थ्यपरद आहार म कई किसम के जिनिस सामिल होथे, जेमा पुरोटीन वाला खाना, बिटामिन अउ खनिज ले भरपूर फर अउ साग-भाजी सामिल हें।
तुमन ल, थोड़कन मातरा म ही बसा अउ सक्कर के जरूवत होथे।
लेकिन अगर तुमन ल भरपूर जेवन ले म समसिया होथे, त कम खाए ले अच्छा सक्कर अउ बसा वाले खाए के जिनिस खाना बने होही।
कोनो माईलोगन ल स्वस्थ रेहे बर, इहां कईठन खाए के जिनिस बताए जात हे, लेकिन सबो ल खाना जरूरी नइ हे।
वो हा उन मुख्य खाए के जिनिस ले खा सकत हे, जेन ल वो हा खात रहिथे अउ अपन इलाका म जतका सहायत खाए के जिनिस उपलब्ध हे, उनला तको वो हा खा सकत हे।