डिरिप सिंचई काला कहिथें अउ ए हर काबर जरूरी होथे?
From Audiopedia
दुनिया के जादातर जगा म फसल उपज म सिंचई करना अब्बड़ जरूरी होथे। पानी गिरे के बावजूद, कईठन फसल ल सिंचई के जरूवत होथे, खासकर के झुक्खा अउ आधा झुक्खा वाला इलाका म। अब्बड़ गरमी अउ झुक्खा हवा-पानी ले फसल के बिकास हा परभावित होथे। सिंचई करना जरूरी होथे, लेकिन अब्बड़ अकन पानी के परयोग ले तको नकसान होथे। एखर ले पोसक तत्व म कमी, जर के फइलइ म कमी, पानी जमा होना, जर के तिर-तखार म नुन जमा होना जइसन समसिया के संगे-सग फसल के गुनवत्ता अउ उपज म कमी जइसन समसिया घलोक हो सकत हे।
ए हर सिंचई के एकठन अइसन किसम होथे, जेखर ले किसान मन के पइसा घलोक बांचथे अउ उंखर पइदावार म घलोक बढ़ोतरी होथे। डिरिप सिंचई म पउधा के जर म धीर लगाके पानी जथे अउ एखर ले पानी के बचत घलोक होथे। पउधा के सही बिकास अउ जादा पइदावारी बर, डिरिप सिंचई परनाली लगवाना चाही।