अब्बड़ बेरा ले बइठे या खड़े रेहे ले होवइया समसिया ल मैं कइसे रोक सकत हंव? - Audiopedia
काम-बूता ले थोड़कन सुरता के, थोड़कन घुमे-फिरे के कोसिस करव। बीच-बाच म कमरा भीतर घुमव या फेर हर घंटा अपन सरीर म खिंचाव वाला बयाम करव।
अगर संभव हे त गोड़ स सहारा दे वाले मोजा पहिनव। एला माड़ी ले उपर रखव।
जेन बेरातुमन ल अकड़न या फेर पीरा महसूस होवए या फेर आगु डहर झुके असन लगे, त नीचे बताए गे बयाम ल करव। धीर लगाके अउ गहिरा सांस लेवत, एला दु-तीन पइत करव:
- अपन मुड़ी ल धीर लगाके गोल-गोल घुमावव।
- अपन कंधा ल उपर-नीचे करव, ओला आगु-पीछु घलोक घुमावव। अपन कंधा ल पीठ के पाछु डहर खींचे के परयास करव।
- अपन पीठ ल सीधा रख के, एक डहर झुके के परयास करव। एखर ले तुंहर पीठ के उपरी अउ निचला हिस्सा ल आराम मिलही।
अगर तुमन बइठ के काम-बूता करथव:
- सीधा पीठ वाले कुरसी ल बउरव। जेखर ले तुमन मुड़ी, गरदन अउ कंधा सीधा रहे। अपन पीठ के निचला हिस्सा ल सहारा दे बर, ओखर पाछु म कोनो तकिया ल रखव।
- जरूरी हे, त अपन कुरसी अउ मेज के उंचई ल बने असन रखव, जेखर ले तुमन आराम ले काम-बूता ल कर सकव। तुमन तकिया उपर तको बइठ सकत हव।
- अपन माड़ी उपर दूसर गोड़ ल झन रखव।
- जादा कड़ा कपड़ा झन पहिनव।
Sources